Cagayan de Oro City – Tinatayang Php340,000 halaga ng shabu ang nakumpiska sa isang High Value Individual (HVI) sa ikinasang buy-bust operation ng pulisya sa Zone 1, Marigold Street, Brgy. Carmen, Cagayan de Oro City nito lamang Huwebes, Agosto 4, 2022.
Kinilala ni Police Brigadier General Benjamin Acorda Jr, Regional Director ng Police Regional Office 10, ang suspek na si Jomar S. Gaboa, 24, residente ng Zone 12, Brgy. Patag, Cagayan de Oro City.
Ayon kay PBGen Acorda, bandang 6:28 ng umaga nahuli ang suspek sa nasabing lugar ng mga operatiba ng Regional Police Drug Enforcement Unit 10, Cagayan de Oro City Police Office-Station 4, Drug Enforcement Unit at Drug Enforcement Group – Special Operation Unit 10.
Nakuha sa suspek ang tatlong plastic sachets ng hinihinalang shabu na may timbang na 50 gramo na tinatayang nagkakahalaga ng Php340,000, isang rectangular zip lock transparent cellophane na may laman ng tuyong dahon ng hinihinalang Marijuana na tumitimbang ng isang gramo na nagkakahalaga ng Php500; isang weighing scale, isang itim na sling bag, isang unit ng blue Samsung cellphone at Php500 bill na ginamit bilang buy-bust money.
“Our relentless police operations on illegal drugs are more intensified than ever before. We are doing our best to lessen or minimize the proliferation of illegal drugs in this region. Rest assured that the men and women of PRO10 will not stop until we put all the offenders behind bars,” pahayag ni PBGen Acorda.
###
Panulat ni Patrolman Joshua Fajardo/RPCADU 10
