Negros Occidental – Tinatayang Php340,000 halaga ng shabu ang nakumpiska sa isang suspek sa isinagawang buy-bust operation ng Moises Padilla PNP nito lamang ika-6 ng Oktubre 2022.
Kinilala ni Police Major Joevito P Bose, Officer-In-Charge ng Moises Padilla Municipal Police Station, ang suspek na si Joy Jaravilla y Gadayan, alyas “Jao”, 41 at residente ng Barangay 5, Moises Padilla, Negros Occidental.
Ayon kay PMaj Bose, ang suspek ay isang High Value Individual na dating nang naaresto sa parehong kaso.
Dagdag pa ni PMaj Bose, naaresto ang suspek ng mga operatiba ng Moises Padilla MPS sa Sitio San Remigio, Brgy. Crossing Magallon, Moises Padilla, Negros Occidental.
Ayon pa kay PMaj Bose, nakumpiska sa suspek ang isang Php500 peso bill, isang Php50 peso bill, isang scooter motor star, isang piraso ng maliit na plastic sachet, apat na piraso ng medium heat-sealed transparent plastic sachet, isang piraso ng maliit na heat-sealed transparent plastic sachet na naglalaman ng hinihinalang shabu na may timbang na 50 gramo na nagkakahalaga ng Php340,000.
Nahaharap ang suspek sa kasong paglabag sa Republic Act 9165 o ang Comprehensive Dangerous Drugs Act of 2002.
Ang PNP ay patuloy na paiigtingin ang kampanya kontra ilegal na droga at kriminalidad para sa mas maayos at ligtas na komunidad.
