Nakumpiska ng Cebu City PNP ang Php340,000 halaga ng hinihinalang shabu mula sa dalawang suspek sa isinagawang buy-bust operation sa Nivel Hills, Busay, Cebu City, noong ika-10 ng Hulyo 2024.
Kinilala ni Police Lieutenant Colonel Araquil Guardaya, Chief ng City Drug Enforcement Unit, Cebu City Police Office, ang mga suspek na sina “Gerlan”, 40 anyos at “Kim”, 39 anyos na parehong mga residente ng Sitio Tigib, Barangay Malubog, Cebu City.
Bandang 11:05 ng gabi ng ikinasa ng awtoridad ang buy-bust operation na nagresulta sa pagkaaresto ng suspek at pagkasabat ng 13 pakete ng hinihinalang shabu na may timbang na 50 gramo at may Standard Drug Price na Php340,000, buy-bust money, black coin purse at black honda click na motorsiklo.
Ang mga suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang matagumpay na operasyon ay tanda ng patuloy na paglaban sa ilegal na droga ng kapulisan ng Cebu City dahil sa Bagong Pilipinas, ang gusto ng pulis, ligtas ka!.
Source: CCPO SR
Panulat ni Pat Grace Coligado
