Butuan City – Tinatayang nasa Php340K halaga ng shabu ang nakumpiska ng Butuan City PNP at naaresto ang dalawang suspek sa paghahain ng Search Warrant sa P-9, Brgy. Limaha, Butuan City nito lamang Miyerkules, Mayo 10, 2023.
Kinilala ni Police Colonel Marco Archinue, City Director ng Butuan City Police Office, ang dalawang naaresto na sina alyas “Alikan”, 43 at alyas “Alinor”, 23, tinaguriang High Value Individual.
Ayon kay PCol Archinue, bandang 11:10 ng gabi nang ikasa ang operasyon ng Intel Operatives ng Butuan City Police Station-2 sa pamamagitan ng Search Warrant No. 2023-05-09-04 at nakumpiska sa operasyon ang apat na piraso ng heat-sealed transparent sachets na naglalaman ng hinihinalang shabu na may kabuuang timbang na 50-gramo at may Standard Drug Price na Php340,000; dalawang yunit ng weighing scale; dalawang cellphone; at mga drug paraphernalia.
Nahaharap naman ang dalawang suspek sa kasong paglabag sa RA 9165 o Comprehensive Dangerous Drugs Act of 2002.
“I would like to commend the efforts of our operatives who are continuously working to arrest drug pushers who wanted to expand drug trade in our city. This accomplishment manifests the dedication of the police force of Butuan to eradicate illegal drugs in this city to prevent any crimes that may happen in our community because of the use of illegal drugs,” pahayag ni PCol Archinue.
Panulat ni Patrolman Jhunel Cadapan/RPCADU13
