Nakumpiska ng Cebu City PNP ang Php340,000 halaga ng hinihinalang shabu mula sa dalawang High Value Individual sa isinagawang buy-bust operation sa Caballes Compound, Barangay Guadalupe, Cebu City, noong ika-25 ng Hunyo 2024.
Kinilala ni Police Lieutenant Colonel R Araquil Guardaya, Chief ng City Intelligence Unit / City Drug Enforcement Unit, Cebu City Police Office, ang mga suspek na sina “Benshot”, 32 anyos at residente ng Caballes Compound, Barangay Guadalupe, Cebu City at “Johnson”, 34 anyos at residente ng Barangay Naalad, Naga City, Cebu.
Bandang 5:45 ng hapon ng ikinasa ng pulisya ang naturang buy-bust operation na nagresulta sa pagkaaresto ng mga suspek at pagkasabat ng anim plastic sachets at 10 plastic packs ng hinihinalang shabu na may timbang na 50 gramo at may Standard Drug Price na Php340,000, coin purse at buy-bust money.
Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Cebu City PNP ay walang humpay at walang tigil sa mga operasyon laban sa ilegal na droga upang masakote ang mga indibidwal na nasa likod nito para sa inaasam na payapa at maunlad na Bagong Pilipinas.
Source: CCPO SR
Panulat ni Pat Grace P Coligado
