Sa kulungan ang bagsak ng isang lalaking suspek matapos maaresto at mahulihan ng Php340K halaga ng hinihinalang shabu at baril sa isinagawang buy-bust operation ng Cebu City PNP sa Sitio Brooke Side, Barangay Lahug, Cebu City, noong ika-30 ng Setyembre 2024.
Kinilala ni Police Major Romeo Durano Caacoy Jr., Station Commander ng Police Station 4, Cebu City Police Office, ang suspek na si “Rolan”, 38 anyos at residente ng Guihulngan, Negros Oriental.
Bandang 10:30 ng gabi ng ikinasa ng kapulisan ang naturang buy-bust operation na nagresulta sa pagkakaaresto ng suspek at pagkasabat ng dalawang plastic packs ng hinihinalang shabu na may timbang na 50 gramo at may Standard Drug Price na Php340,000, isang caliber ng .45 Colt MK IV Series 80 pistol, magasin at tatlong bala.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Cebu City PNP ay walang tigil sa pagsasagawa at pagpapaigting ng kampanya laban sa mga gumagamit at nagbebenta ng ilegal na droga upang masiguro ang kaayusan sa kanilang nasasakupan dahil sa Bagong Pilipinas, ang gusto ng pulis, ligtas ka!.
Source: CCPO SR
