Patuloy ang pagbaba ng crime rate sa usaping iligal na droga matapos mahuli ang isang High Value Target sa ikinasang buy-bust operation ng operatiba ng RSOU 10, PS2, COCPO at ng TG KONKRIM sa Sitio Lomboy, Brgy. Indahag, Cagayan de Oro City na nagresulta sa pagkumpiska sa Php340,000 halaga ng iligal na droga.
Sa report ng Regional Special Operation Unit 10, kinilala ang suspek na si Elwood R. Levanta, male, 41 taong gulang. Nakuha mula sa suspek ang dalawang (2) sachet ng hinihinalang shabu na may bigat na 50 grams.
“The arrest of this High Value Target denotes the continuous operation of the PNP amid the pandemic and the forthcoming election. This accomplishment will not be realized without the active cooperation and support of the community,” ani PBGen Rolando B Anduyan, Regional Director, PRO 10.
Sa kasalukuyan, nasa kustodiya na ng PS2 Cagayan de Oro City Police Office ang suspek at nahaharap sa kasong paglabag sa RA 9165.
#####
Article by Police Corporal Romulo Cleve M Ortenero
