Umabot sa Php340,000 halaga ng shabu ang nasabat sa inilunsad na buy-bust operation ng PNP at PDEA sa Purok 7, Barangay Espinosa, Masbate City, Masbate nito lamang Pebrero 28, 2024.
Ang operasyon ay ikinasa bandang 08:00 ng gabi ng pinagsanib na pwersa ng Masbate Police Provincial Drug Enforcement Unit, Provincial Intelligence Unit, Masbate City Police Station Drug Enforcement Unit, ODRDO-RPDEU5, 502nd MC RMFB5 at PDEA-Masbate.
Kinilala ni PLtCol Ariel Neri, hepe ng Masbate City Police Station, ang naarestong suspek na si alyas “Koykoy”, 26, may asawa, tricycle driver, at residente ng Purok Rubarob, Barangay Pating, Masbate City.
Nakumpiska sa suspek ang 50 gramo ng pinaniniwalaang shabu na may street value na Php340,000 at ito ay mahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
Ang PNP Bikol ay patuloy sa pagpapaigting ng mga operasyon at pinahusay na kampanya kontra kriminalidad partikular na sa ilegal na droga upang isulong ang kaayusan at kapayapaan ng rehiyon alinsunod sa pangunahing prayoridad ng kasalukuyang administrasyon na gawing drug-free ang buong bansa tungo sa bagong Pilipinas.
Source: Masbate Police Provincial Office
Panulat ni PCpl Irene Honey Tria S Abad
