Camarines Norte – Tinatayang nasa Php340,000 halaga ng ilegal na droga at baril ang nakumpiska sa isinagawag High Impact Operation ng pinagsamang operatiba ng PRO5 sa Purok 2, Barangay Sto. Niño, Talisay, Camarines Norte nito lamang Enero 21, 2023.
Kinilala ni Police Major Conrado De Vera, Hepe ng Talisay Municipal Police Station, ang naarestong suspek na si alyas “Makoy”, 37, isang driver at residente ng Sitio Banaba, Barangay Inchican, Silang, Cavite.
Ayon kay PMaj De Vera, naaresto ang suspek bandang 11:45 ng gabi ng pinagsanib na mga operatiba ng Regional Police Drug Enforcement Unit 5 (ODRDO-RPDEU 5 Team Cam Norte as Lead Unit), MPDEU Talisay MPS, CNPIU, RID5-RSOU, PDEG-SOU5, Cams Norte 1st PMFC at 501st MC RMFB5, sa pakikipag-ugnayan sa PDEA RO5.
Nakumpiska mula sa suspek ang dalawang selyadong plastik na pakete ng hinihinalang shabu na may tinatayang timbang na 50 gramo at nagkakahalaga ng Php340,000. Narekober din mula dito ang isang kalibre 38 revolver na walang tatak at kargado ng apat na bala.
Mahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002 at RA 10591 o ang Comprehensive Firearms and Ammunition Regulation Act.
Ang PNP Bikol ay patuloy sa pagpapaigting ng mga operasyon kontra ilegal na droga upang mahuli ang mga taong nagbebenta nito na galing pa sa ibang lugar at mapanagot at makamit din ang isang maayos at ligtas na komunidad.
