Bakun, Benguet – Tinatayang Php336,000 halaga ng marijuana plants ang binunot at sinunog ng mga awtoridad sa isinagawang marijuana eradication sa Bakun, Benguet nito lamang Setyembre 1, 2022.
Ayon kay Police Brigadier General Mafelino Bazar, Regional Director, Police Regional Office Cordillera, matagumpay ang isinagawang operasyon ng mga operatiba ng Benguet Police Provincial Office na nagresulta sa pagkakadiskubre ng dalawang plantasyon sa Sitio Macagang at Sitio Bangao ng Brgy. Kayapa, Bakun, Benguet.
Nadiskubre sa Sitio Macagang ang 800 piraso ng fully-grown marijuana plants na may kabuuang sukat na 200 square meters na may tinatayang halaga na Php160,000.
Samantala, sa Sitio Bangao ay natuklasan ng mga operatiba ang 880 pirasong fully-grown marijuana plants na may kabuuang sukat na 220 square meters na may tinatayang halaga na Php176,000.
Bagamat, walang nahuling marijuana cultivator, kaagad namang binunot at sinunog ng mga operatiba ang mga narekober na marijuana.
Ang matagumpay na operasyon ng Benguet PNP ay isa lamang resulta ng walang tigil at mas pinaigting na kampanya kontra sa ilegal na droga.
Source: PROCOR PIO
Panulat ni Patrolwoman Febelyne Codiam
