Pangasinan – Nasamsam ang tinatayang Php333,200 halaga ng shabu sa isang Street Level Individual (SLI) sa ikinasang buy-bust operation ng Regional Police Drug Enforcement Unit 1 (RDEU1) nito lamang Nobyembre 11, 2023 sa Urdaneta City, Pangasinan.
Kinilala ni Police Captain Omar Gerald Discipulo, Officer-In-Charge ng RDEU1, ang suspek na si alyas “Arnell”, binata, 33, at residente ng Brgy. Nancamaliran, Urdaneta City, Pangasinan.
Ayon kay Police Captain Discipulo, naaresto ang suspek bandang alas 11:15 ng gabi ng maaktuhan syang nagbebenta ng hinihinalang shabu sa isang pulis na nagpanggap na poseur buyer ng mga operatiba ng RPDEU1, bilang Lead Unit, Regional Intelligence Division 1, Pangasinan Provincial Intelligence Team, Regional Intelligence Unit 1 at Urdaneta City Police Station.
Nasamsam mula kay alyas Arnell ang mahigit kumulang 50 gramo ng hinihinalang shabu na nagkakahalaga ng Php333,200 at .5 na gramo ng hybrid marijuana na nagkakahalaga ng Php1,000.
Nahaharap ang suspek sa kasong paglabag sa Sections 5 at 11 ng Republic Act 9165 o “Comprehensive Dangerous Drugs Act of 2002.
Ang pagkakahuli ng suspek ay isang pagpapakita sa mahigpit na kampanya ng PNP kontra ilegal na droga at kriminalidad sa bansa.
Source: RPDEU1
Panulat ni PSSg Robert Basan Abella Jr.
