Nasabat ng mga awtoridad ang tinatayang Php332,000 halaga ng ilegal na produktong petrolyo sa isinagawang operasyon sa Barangay Mabuhay, Del Carmen, Surigao del Norte bandang 2:25 ng madaling araw nito lamang Oktubre 11, 2024.
Kinilala ni Police Colonel Nilo T Texon, Officer-In-Charge ng Surigao del Norte Police Provincial Office, ang tatlong naaresto na sina alyas “Rexan”, 34 taong gulang, may-asawa at mangingisda mula sa P-5, Barangay Rizal, Socorro, Surigao del Norte; alyas “Patrick”, 24 taong gulang, walang asawa at laborer mula sa P-2, Barangay Taruc, Socorro; at alyas “Austin”, 28 taong gulang, walang asawa at driver mula sa Purok 8, Barangay Esperanza, Del Carmen.
Nakumpiska ang 31 drums ng pinaniniwalaang diesel na may tinatayang dami na 8,060 liters at tinatayang halaga na Php322,000 sa halagang Php40 bawat litro mula sa isang Fuel tank truck na may plakang CAM5297, matapos mabigong magpakita ng legal na dokumento o permit mula sa mga awtoridad.
Naging matagumpay ang operasyon sa pinagsanib na pwersa ng mga tauhan ng Del Carmen Municipal Police Station katuwang ang Philippine Coast Guard at Bureau of Fire Protection, laban sa ilegal na kalakalan ng mga produktong petrolyo sa ilalim ng Presidential Decree No. 1865 o Illegal trading and hoarding of petroleum products.
“We remain vigilant to respond to any situation, especially when complaints call our attention. May this accomplishment serve as a pillar of example to others, to stop participating in all forms of illegalities, unrecognized barters, illegal trades, and unauthorized dispensing of products. Regardless of the costs you might lose, or how much you may gain, we will enforce our given mandate as the law provides,” ani PCol Texon.
Panulat ni Patrolwoman Karen Mallillin
