Dasmariñas City, Cavite – Tinatayang Php330,000 halaga ng tuyong dahon ng marijuana ang nasabat sa apat na suspek sa isinagawang pagpapatrolya ng Dasmariñas City PNP nito lamang Lunes, Oktubre 10, 2022.
Kinilala ni Police Brigadier General Jose Melencio Nartatez Jr, Regional Director ng Police Regional Office 4A, ang apat na suspek na sina Orlando Abong y Omelat, 29, residente ng Block 36 Lot 23, Brgy. San Miguel 1, Dasmariñas City; isang menor de edad, residente ng Block 33 Lot 12, Brgy. San Miguel 1, Dasmariñas City; Jeremiah Schroeder y Monte, 28, residente ng Block 28 Lot 16, Brgy. San Francisco, General Trias, Cavite; John Edmar Ortelano y Cinco, 23, residente ng Block 54 Lot 15, Brgy. Ipil 2, Bulihan, Silang, habang si alyas “Bowen”, residente ng Excess Lot, Brgy. Sta Fe, Dasmariñas City ay nakatakas at pinaghahanap ng awtoridad.
Ayon kay PBGen Nartatez Jr, bandang 12:55 ng madaling araw naaresto ang mga suspek sa Brgy. Langkaan 1, Dasmariñas City ng Patrolling Team ng Police Community Precinct 5 and 9 ng Dasmariñas City Police Station.
Narekober sa mga suspek ang 40 bricks at anim na pirasong self-sealed plastic sachets ng hinihinalang tuyong dahon ng marijuana na may timbang na 33 kilos at tinatayang nagkakahalaga ng Php330,000, dalawang bote ng hinihinalang liquid marijuana, at isang unit na Toyota Innova na may Plate number VEU 209.
Nahaharap ang mga suspek sa kasong paglabag sa Section 5 at 11, Article ll ng Republic Act 9165 o Comprehensive Dangerous Drugs Act of 2002, Disobedience to an agent of person in authority at resisting arrest.
Lalo pang pagsisikapin ng mga tauhan ng Dasmariñas City PNP ang pagpapatrolya para sa ligtas at mapayapang komunidad at maiwasan ang laganap na pagbebenta at paggamit ng ilegal na droga.
Source: Police Regional Office 4A
Panulat ni Police Staff Sergeant Donabel Dulin
