Tatlong indibidwal ang naaresto dahil sa pagtutulak ng droga sa isinagawang operasyon ng mga tauhan ng Valencia City Police Station sa Purok 11, Barangay Poblacion, Valencia City, Bukidnon nito lamang Pebrero 19, 2025.
Kinilala ni Police Lieutenant Colonel Bryan M Panganiban, Officer-In-Charge ng Valencia City Police Station, ang mga naarestong sukpek na sina alyas “Toto”, 32 anyos, si alyas “Bobong”, 41 anyos at si alyas “Lolot”, 38 anyos na isang DI Listed, pawang mga residente ng Barangay Poblacion, Valencia City, Bukidnon.
Nakumpiska ang mga pinaniniwalaang shabu na may timbang na 48.4 gramo na may Standard Drug Price na Php329,120 at iba pang non-drug evidence.
Ang matagumpay na operasyon na ito ay nakaangkla sa layunin ng PNP Chief Police General Rommel Francisco D Marbil na maging ligtas at payapa ang ating komunidad para sa mas maunlad na Bagong Pilipinas.
