Nasabat ang tinatayang Php324,360 halaga ng hinihinalang ilegal na droga mula sa dalawang drug personality nito lamang Setyembre 6, 2024 sa Purok Nem Tree, Malvar St., Barangay Zone 3, Digos City, Davao del Sur.
Kinilala ni Police Lieutenant Colonel Florante S Retes, Chief of Police ng Digos City Police Station, ang mga suspek na sina alyas “Yoy”, 32 anyos na tinaguriang High Value Individual at alyas, “Lord”, 47 anyos na tinagurian namang Street Level-Newly Identified Drug Personality.
Dagdag pa, ang mga suspek ay naaresto sa isinagawang operasyon na pinangunahan ng RPDEU 11 katuwang ang Digos CPS, PDEA 11 at 1st Davao Sur PMFC na nagresulta sa pagrekober ng humigit kumulang 47.4 gramo ng hinihinalang shabu at humigit kumulang 2.79 gramo ng hinihinalang marijuana.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang mga suspek.
Ang tagumpay ng operasyon na ito ay patunay ng walang sawang pagsusumikap ng Police Regional Office 11 sa pamumuno ni Regional Director Police Brigadier General Nicholas D Torre III, na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
