Kalaboso ang dalawang drug suspek sa isinagawang buy -bust operation ng mga tauhan ng Parañaque City Police Station Drug Enforcement Unit at nakumpiska ang malaking halaga ng shabu nito lamang Linggo, Oktubre 27, 2024 bandang 4:00 ng hapon Sa Barangay San Antonio, Parañaque City.
Kinilala ni Police Brigadier General Bernard R Yang, District Director ng Southern Police District (SPD), ang mga naaresto na sina alyas “Marty”, 54-anyos at alyas “Emelyn, 30-anyos.
Humantong ang operasyon sa pagkakakumpiska ng isang heat-sealed sachet na naglalaman ng hinihinalang shabu, gayundin ang limang karagdagang sachets na umabot sa 45 gramo ang bigat at tinatayang may street value na Php306,000, isang Php500 bill na ginamit sa buy-bust, isang coin purse, at isang cellphone mula sa mga suspek.
Inihahanda naman ang reklamo para sa paglabag sa Sections 5 at 11 ng RA 9165 o mas kilala bilang Comprehensive Dangerous Drugs Act laban sa dalawang suspek.
Tiniyak ng SPD na palalakasin nila at mas hihigpitan ang isinasagawa nilang mga operasyon upang mapuksa ang paglaganap ng ilegal na droga tungo sa mas maunlad at malusog na lipunan sa Bagong Pilipinas.
Panulat ni PSSg Remelin M Gargantos
