Timbog ang dalawang suspek matapos mahulihan ng tinatayang Php306,000 halaga ng iligal na droga sa isinagawang buy-bust operation ng PNP Drug Enforcement Group, Special Operations Unit ng Cordillera Administrative Region sa Tawang-Ambiong Road, Barangay Tawang, La Trinidad, Benguet nito lamang ika-22 ng Enero 2025.
Kinilala ni Police Colonel Noel C Espinoza, Commander, SOU CAR, ang dalawang suspek kabilang ang isang 40 anyos na lalake na may asawa, at isang babae na walang trabaho, na pawang mga residente ng Dagupan, Pangasinan.
Nakumpiska sa mga suspek ang tinatayang 45 gramo ng hinihinalang shabu at may Standard Drug Price na Php306,000.
Nakumpiska rin sa mga suspek ang isang piraso ng tunay na Php500 bill, 119 piraso ng Php500 na ginamit bilang boodle money at isang android phone.
Samantala, ang matagumpay na operasyon ay pinangunahan ng PNP DEG Special Operations Unit CAR, katuwang ang mga tauhan ng La Trinidad Municipal Police Station, Provincial Intelligence Unit ng Benguet PPO, Regional Drug Enforcement Unit – PRO CAR, Philippine Drug Enforcement Agency CAR.
Patuloy naman ang panawagan ni PCol Espinoza sa publiko na makipagtulungan sa mga otoridad para sa agarang pagpuksa sa iligal na droga.
