Nakumpiska ng mga operatiba ng Maramag Municipal Police Station ang tinatayang Php306,000 halaga ng hinihinalang shabu sa isinagawang buy-bust operation sa Purok 7, Dagumbaan, Maramag, Bukidnon nito lamang Setyembre 24, 2024.
Tinukoy ni Police Brigadier General Ricardo G Layug Jr., Regional Director ng Police Regional Office 10, ang suspek na si alias “Felmar” 41 anyos at residente ng nabanggit na lugar.
Nakumpiska ang nasa 60 gramo ng hinihinalang shabu na may Standard Drug Price na aabot sa Php306,000.
Mahaharap ang suspek sa kasong paglabag sa Sections 5 at 11 ng Article 2 ng Republic Act 9165 o “Comprehensive Dangerous Drugs Act of 2002”.
“I would like to reiterate our relentless pursuit in eradicating illegal drugs in the region. We will continue to work closely with our communities and other law enforcement agencies to ensure the safety and security of every citizen in region 10,” saad ni RD Layug Jr.
