Benguet – Tinatayang Php300,000 na halaga ng Fully Grown Marijuana Plants ang nadiskubre ng Benguet PNP sa isinagawang Marijuana Eradication Operations sa Sitio Amlawa, Badeo, Kibungan, Benguet nito lamang ika-17 ng Hunyo 2023.
Ayon kay Police Colonel Damian Olsim, Provincial Director ng Benguet Police Provincial Office, nagsagawa ng Marijuana Eradication ang mga operatiba ng Kibungan Municipal Police Station at Benguet Police Provincial Office na nagresulta sa pagkadiskubre ng 1,500 piraso ng Fully Grown Marijuana Plants sa 300 square meters communal forest na may Standard Drug Price na Php300,000.
Agad namang sinunog ang nadiskubreng marijuana sa mismong lugar ng taniman.
Wala namang naarestong suspek subalit patuloy ang imbestigasyon ng Kibungan PNP upang madakip ang mga taong nasa likod nito.
Patuloy naman ang pagpapaigting ng mga operatiba ng Benguet PNP sa kanilang kampanya laban sa ilegal na droga para sa ikakaunlad ng kanilang nasasakupan.
