Beguet – Tinatayang Php300,000 halaga ng marijuana ang nadiskubre at sinunog ng mga awtorida sa isinagawang marijuana eradication sa Sitio Botbot, Kayapa, Bakun, Benguet nito lamang Oktubre 8, 2023.
Ayon kay Police Colonel Damian Olsim, Provincial Director ng Benguet Police Provincial Offfice, matagumpay ang naturang operasyon ng pinagsamang pwersa ng Bakun MPS , Provincial Drug Enforcement Unit at Provincial Intelligence Unit Benguet Police Provincial Office.
Nadiskubre ng mga operatiba ang 1, 500 piraso ng fully grown marijuana plants na nakatanim sa 300 sqm na communal forest na nagkakahalaga ng Php300,000.
Bagamat walang nahuling cultivator kaagad namang sinunog ng mga operatiba ang mga marijuana sa naturang lugar.
Samantala, patuloy ang Benguet PNP sa pagpuksa sa mga ipinagbabawal na halaman at sa pagpapanatili ng kaayusan sa buong probinsya ng Benguet.
