Benguet – Tinatayang Php3,920,000 halaga ng marijuana ang nadiskubre ng Benguet PNP sa isinagawang marijuana eradication sa Sitio Lingey, Tacadang, Kibungan, Benguet nito lamang Nobyembre 24, 2023.
Pinangunahan ang nasabing operasyon ng mga operatiba ng Kibungan Municipal Police Station katuwang ang mga tauhan ng PDEA-CAR, LTIU at PDEA Region 1.
Matagumpay ang operasyon kung saan nadiskubre ang apat na plantasyon na may nakatanim ng 19,600 piraso ng mga Fully Grown Marijuana Plants na may Standard Drug Price na Php3,920,000 na agad naman binunot at sinunog ng mga awtoridad.
Patuloy ang Benguet PNP sa pagpuksa ng mga marijuana plantations sa buong nasasakupan para sa kaayusan at kapayapaan sa buong probinsya.
