Tinatayang Php3,840,000 halaga ng marijuana ang nadiskubre ng mga operatiba sa isinagawang marijuana eradication sa Sitio Macagang, Kayapa, Bakun, Benguet noong ika-14 ng Setyembre 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pinagsanib na pwersa ng mga operatiba sa pangunguna ng Bakun Municipal Police Station, katuwang ang Provincial Intelligence Unit/Provincial Drug Enforcement Unit, Benguet Police Provincial Office at Philippine Drug Enforcement Agency-La Union.
Ang operasyon ay nagresulta sa pagkadiskubre ng tatlong plantasyon ng marijuana na may lawak na 1,600 square meters na may 9,200 piraso ng Fully Grown Marijuana Plants na nagkakahalaga ng Php3,840,000 Standard Drug Price.
Bagamat walang nahuling cultivator, lahat ng nadiskubreng marijuana ay naidokumento at sinunog sa mismong lugar.
Pinuri naman ni PCol Bayongasan ang mga operatiba sa kanilang matagumpay na operasyon kaugnay sa Benguet PPO “OPLAN Riverside 3” at PDEA “OPLAN Bantay” upang matuldukan ang paglaganap ng ipinagbabawal na gamot sa ating bansa.
Panulat ni Pat Melanie Amoyong
