Camp Sergio Osmeña, Cebu City – Tinatayang Php3,638,000 na halaga ng shabu ang nasabat sa suspek na kumpirmadong patay sa shootout sa pagitan ng Cebu City PNP nito lamang Huwebes, Abril 6, 2022.
Kinilala ni PBGen Eduardo Roque Vega, Regional Director, PRO7 ang suspek na si alyas “Ralf” hindi niya tunay na pangalan, isang High Value Individual, residente ng Barangay Tisa, Cebu City.
Ayon kay PBGen Vega, bandang 10:20 ng gabi habang nagsasagawa ng beripikasyon at balidasyon sa suspek ang mga tauhan ng City Drug Enforcement Unit, Cebu City Police Office ay nauwi ang operasyon sa shootout na nagresulta sa pagkakabaril sa suspek.
Nakuha mula sa suspek ang 535 gramo ng hinahinalang shabu na may tinatayang halaga na Php3,638,000, at isang pistol firearm na may kasamang magazine.
Ang suspek ay nagtamo ng tama ng baril at dineklarang patay ng mga rumespondeng medical team.
Ang Cebu City PNP ay puspusan ang ginagawang kampanya laban sa kriminalidad at ilegal na droga sa tulong ng mga miyembro ng komunidad na patuloy ang tiwalang binibigay sa mga alagad ng batas.
###
Panulat ni Patrolman Aivan Guisadio
