Cebu City – Nasabat ang tinatayang Php3,570,000 na halaga ng shabu sa tatlong High Value Individual na nasakote ng Cebu City PNP nito lamang Huwebes, Abril 7, 2022.
Kinilala ni Police Colonel Ernesto Salvador Tagle, City Director, Cebu City Police Office, ang mga naarestong suspek na sina Iveen Migabon Pedrano, 23, residente ng Brgy. Guadalupe, Cebu City; Eugene Belamia Arces, 22, residente ng Brgy. Pasil, Cebu City; at Bernadeth Malubay Baslag, 23, residente ng Brgy. Tisa, Cebu City.
Ayon kay PCol Tagle, nasakote ang mga suspek pasado alas 4:00 ng hapon sa Sitio Banawa, Brgy. Guadalupe, Cebu City sa pinagsanib na buy-bust operation ng mga operatiba ng City Drug Enforcement Unit ng CCPO at PDEA.
Ayon pa kay PCol Tagle, ang tatlong naaresto ay kabilang sa watchlist ng High Value Individual ng rehiyon 7.
Nakumpiska sa mga nahuli ang 10 pakete ng hinihinalang shabu na may tinatayang timbang na 525 gramo at may Standard Drug Price na Php3,570,000.
Ang mga akusado ay kasalukuyang nasa Costudial Facility ng Cebu City Police Office para sa tamang proseso at desposisyon.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Tinitiyak ng Cebu City PNP na kanilang ipagpapatuloy ang maayos at epektibong pamamaraan upang supilin ang ano mang uri ng kriminalidad para sa nasabing bayan.
###
Panulat ni Patrolman Edmersan P Llapitan
