Quezon City — Tinatayang Php3.5 milyong halaga ng shabu ang nasamsam sa mga suspek sa magkahiwalay na buy-bust operation ng Kamuning Police Station 10 ng Quezon City Police District nito lamang Miyerkules, Hulyo 12, 2023.
Ayon kay Police Lieutenant Colonel Robert Amoranto, Station Commander ng Kamuning Police Station (PS 10), sa unang operasyon ay naaresto ang suspek sa pangalang Cristopher, 44, matapos iulat ng isang concerned citizen ang aktibidad ng pagbebenta ng droga ng suspek.
Isang pulis ang nagsilbing poseur buyer at bumili ng Php55,000 halaga ng shabu sa suspek at sa ibinigay na pre-arranged signal, siya ay inaresto.
Dito na nakumpiska ng mga operatiba ang 475 gramo ng shabu na nagkakahalaga ng Php3,570,000, isang (1) unit ng smartphone, at buy-bust money.
Ayon pa kay PLtCol Amoranto, sa ikalawang buy-bust operation naman ay nadakip sina Christopher, 38, residente ng No. 1234 Blumentritt St., Sampaloc, Manila at Rocky, 34, residente ng Bldg. 34 Pansamantalang Pabahay Vitas Rd. 10, Brgy. 105, Tondo, Maynila.
Nakumpiska sa kanila ang isang (1) gramo ng shabu na nagkakahalaga ng Php6,800, dalawang (2) unit ng smartphone, at buy-bust money.
Haharap sa paglabag sa R.A. 9165 o Comprehensive Dangerous Drugs Act of 2002 ang mga nabanggit na suspek.
Mahigpit na ipapatupad ng QCPD ang pinaigting na kampanya nito laban sa ilegal na droga, ani PBGen Nicolas Torre III, District Director ng QCPD, “Kung ika’y lumabag sa batas, ito’y iyong pananagutan sapagkat sa batas na aming ipinatupad, ika’y walang takas.”
Source: PIO QCPD
Panulat ni PSSg Remelin M Gargantos
