Cebu City – Nasa Php3,400,000 halaga ng shabu ang nasamsam ng mga operatiba ng Police Drug Enforcement Group-Special Operation Unit 7 sa isang suspek sa buy-bust operation nito lamang Lunes, ika-25 ng Hulyo 2022.
Kinilala ni Police Brigadier General Roque Eduardo DP Vega, Regional Director ng Police Regional Office 7, ang suspek na si Melvin Arnado, 26, residente ng Sitio Calapukan, Brgy. Carreta, Cebu City.
Ayon kay PBGen Vega, naaresto si Arnado bandang 3:00 ng madaling araw sa Barangay Carreta, Cebu City ng mga operatiba ng Philippine National Police Drug Enforcement Group-Special Operation Unit 7.
Narekober sa naturang suspek ang hindi bababa sa 500 gramo ng hinihinalang shabu na may tinatayang halaga na Php3,400,000, isang green backpack at buy-bust money.
Mahaharap ang suspek sa Section 5 at 11, Article II ng Republic Act 9165 o ang Comprehensive Dangerous Drugs Act of 2002.
Patuloy na papaigtingin ng Police Regional Office 7 ang kampanya kontra ilegal na droga upang mapanatili ang maayos at ligtas na komunidad.
###
Panulat ni Patrolman Aivan Guisadio
