Tinatayang Php3,400,000 halaga ng shabu ang nasamsam sa isang High Value Individual sa buy-bust operation ng PNP sa Barangay Talaba 1, City of Bacoor nito lamang Miyerkules, Pebrero 28, 2024.
Kinilala ni Police Colonel Eleuterio M Ricardo Jr., Provincial Director ng Cavite Police Provincial Office, ang suspek na si alyas “King”, 37, residente ng Barangay Talaba 1, City of Bacoor, Cavite.
Naaresto ang suspek sa nasabing Barangay sa ikinasang buy-bust operation ng mga operatiba ng Bacoor Component City Police Station Drug Enforcement Unit katuwang ang mga tauhan ng Cavite Provincial Drug Enforcement Unit.
Nakumpiska mula sa suspek ang tatlong pirasong heat-sealed transparent plastic sachet at isang pirasong knot-tied transparent plastic sachet na naglalaman ng hinihinalang shabu na tumitimbang ng higit kumulang 500 gramo na nagkakahalaga ng Php3,400,000, isang yunit ng Android Cellphone, isang brown paper bag, isang red sando bag at isang pirasong Php1,000 bilang boodle money.
Nahaharap ang suspek sa kasong paglabag sa Section 5 at 11 Article II ng Republic Act 9165 o Comprehensive Dangerous Drugs Act of 2002.
Bilang pagsuporta sa programa ng ating kasulukuyang administrasyon sa pakikipaglaban sa problema ng ilegal na droga, ang buong kapulisan ng Cavite ay patuloy na paiigtingin ang paghuli sa mga taong nagpapalaganap ng ipinagbabawal na gamot upang mapanatili ang kaayusan at kaligtasan ng ating komunidad tungo sa bagong Pilipinas.
Source: Cavite Police Provincial Office
Panunulat ni Patrolwoman Angelica Rica S Teng
