Nasamsam ng Minglanilla PNP ang mahigit Php3.4 milyong halaga ng shabu sa naarestong dalawang drug suspek sa isinagawang buy-bust operation sa Purok Tugas, Barangay, Ward 2, Minglanilla, Cebu nito lamang Martes, Abril 2, 2024.
Kinilala ni Police Colonel Percival R Zorilla, Provincial Director ng Cebu Police Provincial Office (CPPO), ang mga suspek na sina alyas “Ondo”, 48, High Value Individual, residente ng Purok Magbanwa, Barangay Polpogan 2, Consolacion, Cebu at si alyas “Elmer”, 47, Street Level Individual, residente ng Purok Campo Drive, Barangay Inayawan, Cebu City.
Isinagawa ang nasabing operasyon bandang 10:45 ng gabi ng mga operatiba ng Minglanilla Drug Enforcement Unit na nagresulta sa pagkaaresto sa mga suspek at pagkakumpiska ng 11 pakete ng hinihinalang shabu na may kabuuang timbang na 501 gramo na may Standard Drug Price na Php3,406,800 at buy-bust money.
Mahaharap ang mga suspek sa kasong paglabag sa Seksyon 5 at 11, Artikulo II ng Republic Act 9165 o ang Comprehensive Dangerous Drugs Act of 2002.
Ang mga kapulisan ng Minglanilla ay patuloy na papaigtingin ang kampanya sa pagpuksa sa ilegal na droga upang magkaroon ng kaayusan at kapayapaan ang kanilang nasasakupan tungo sa Bagong Pilipinas.
Source: CPPO
Panulat ni Pat Carla Jane Tanio
