Valenzuela City — Tinatayang nasa Php3.4 milyong halaga ng shabu ang nasabat sa dalawang lalaki sa isinagawang buy-bust operation ng Valenzuela City Police Station at Philippine Drug Enforcement Agency (PDEA) nito lamang Huwebes, Oktubre 20, 2022.
Kinilala ni Police Colonel Salvador Destura Jr, Chief of Police ng Valenzuela CPS, ang mga naarestong suspek na sina Marlon Padilla, 43, at Alexander Policarpio, 41.
Ayon kay PCol Destura Jr, dakong 3:00 ng hapon naaresto sina Padilla at Policarpio sa harap ng parking area, Go Gen. T. Central Building, Barangay Gen. T. De Leon, Valenzuela City ng pinagsanib na pwersa ng PDEA RO IV-A RSET (1and 2), PDEA NCRO North District, at Valenzuela City Police Station (VCPS).
Nakumpiska sa mga suspek ang limang knot-tied transparent plastic bag ng white crystalline substance na hinihinalang shabu na naglalaman ng humigit-kumulang 500 gramo at nagkakahalaga ng Php3,450,000, isang Php1,000 na marked money at boodle cash.
Mahaharap ang mga suspek sa kasong paglabag sa section 5 in relation to Section 26, paragraph b, article II ng Republic Act 9165 o Comprehensive Dangerous Drugs Act of 2002.
Ang Pambansang Pulisya ay tuloy-tuloy sa pagsugpo sa mga indibidwal na patuloy na gumagamit at nagbebenta ng ipinagbabawal na gamot at lalo pang paiigtingin ang kampanya kontra ilegal na droga para sa isang ligtas at tahimik na bansa.
Source: Valenzuela City Police Station
Panulat ni PSSg Remelin M Gargantos
