Naga City – Tinatayang Php3,400,000 halaga ng ilegal na droga ang nasabat sa isang lalaki sa ikinasang buy-bust operation sa Villa Obiedo Subdivision, Zone 7, San Rafael Barangay Cararayan, Naga City nito lamang Hulyo 16, 2023.
Kinilala ni PCol Nelson Pacalso, City Director ng Naga City Police Office ang suspek na si Quincy M. Nieto, 37, may asawa at residente ng Housing ll, Barangay Monserrat, Magarao, Camarines Sur.
Ayon kay PCol Pacalso, bandang 2:25 ng hapon ng isinagawa ang operasyon ng pinagsanib na mga operatiba ng Regional Police Drug Enforcement Unit 5 (ODRDO-RPDEU5 Team CamSur/ Naga City) lead unit at Naga City Police Station 6 SDEU sa pakikipag-ugnayan sa PDEA Camarines Sur Provincial Office.
Naaresto ang suspek matapos makabili dito ng isang pirasong knot-tied transparent plastic sachet na naglalaman ng hinihinalang shabu na may tinatayang timbang na 50 na gramo kapalit ang Php130,000.
Sa isinagawang body search, narekober pa dito ang limang (5) piraso ng shabu na may timbang na 450 na gramo, sampung (10) gramo ng pinatuyong dahon ng marijuana na may tinatayang halaga na Php1,200, digital weighing scale at mga drug paraphernalia.
Sa kabuuan, anim (6) na pirasong knot-tied transparent plastic sachet ng shabu ang nakumpiska sa suspek na tumitimbang ng 500 na gramo na may street value na Php3,400,000.
Mahaharap ang suspek sa kasong paglabag sa RA 9165 o “Comprehensive Dangerous Drugs Act of 2002.
Ang PNP Bicol katuwang ang pamayanan ay patuloy na magkakaisa upang masugpo ang ilegal na droga at iba pang krimen na sumisira sa buhay ng mamamayang Pilipino.
Source: Naga City Police Office
