Naga City – Tinatayang Php3.4 milyong halaga ng shabu ang nasabat sa joint buy-bust operation ng Naga City PNP at PDEA Bicol sa Barangay Peñafrancia, Naga City nitong Martes, Hunyo 28, 2022.
Kinilala ni Police Colonel Nelson Pacalso, City Director ng Naga City Police Office ang naaresto na si Eymard Rey y Fortuna alyas “Bong”, 43, residente ng Zone 3, San Juan Street, Peñafrancia, Naga City.
Ayon kay PCol Pacalso, nakumpiska mula sa kanya ang dalawang pirasong transparent plastic bag na naglalaman ng hinihinalang shabu na kapwa tumitimbang ng humigit kumulang 500 gramo na tinatayang nagkakahalaga ng Php3,400,000.
Ayon pa kay PCol Pacalso, narekober sa suspek ang isang cellular phone, isang disposable lighter, isang pirasong nirolyong aluminum foil na may bakas ng putting crystalline substance na hinihinalang shabu at tatlong pirasong gunting.
Ang suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
“We thank PDEA Regional Office V for always being with us in the fight against drugs. There is no doubt that our strong collaboration shall lead us to the realization of our goals. I-isa tayo sa ating mithiin at yun ang ating pagsisikapang abutin na mabigyan ng maayos, tahimik, at ligtas na komunidad ang ating mga kababayan,” ani PBGen Mario A Reyes, Regional Director ng Police Regional Office 5.
Source: Naga City Police Office
###
Panulat ni Patrolman Jomar Danao
