Cotabato City – Tinatayang Php3,400,000 halaga ng shabu ang nakumpiska sa isinagawang PNP-PDEA buy-bust operation sa Bubong Rd. Tamontaka 1, Cotabato noong Hulyo 27, 2022.
Kinilala ni PMaj Marlon Silvestre, Station Commander, Cotabato City Police Station 2, ang suspek na si Buhare Tutin Abusupian alyas “Tutin”, 22, residente ng Brgy. Damablac, Talayan, Maguindanao.
Naging matagumpay ang operasyon dahil sa pinagsanib na pwersa ng PDEA BARMM, PNP-Maritime Group, 99th Infantry Battalion, Philippine Army, Cotabato City Police Office-Police Station 3, NBI BARMM, Highway Patrol Group-BAR, Datu Odin Sinsuat-MPS, at CCPO-City Drug Enforcement Unit.
Nakumpiska mula sa suspek ang sampung plastic sachet na naglalaman ng hinihinalang shabu na may timbang na 500 gramo na may tinatayang halaga na Php3,400,000, buy-bust money na ginamit at isang unit ng mobile phone.
Mahaharap ang suspek sa kasong paglabag sa R.A. 9165 o “Comprehensive Dangerous Drugs Act of 2002” kapag napatunayang nagkasala ang suspek.
Ang Pambansang Pulisya ay hindi titigil na sugpuin ang anumang uri ng kriminalidad at paiigtingin pa lalo ang kampanya kontra ilegal na droga.
###
Panulat ni Patrolman Mark Vincent Valencia
