Cotabato City – Nakumpiska ang tinatayang Php3,400,000 halaga ng shabu at naaresto ang isang suspek sa isinagawang buy-bust operation ng mga tauhan ng PDEA at PNP sa Maria Clara Street, Cotabato City noong ika-2 ng Setyembre, 2022.
Kinilala ni Police Brigadier John Guyguyon, Regional Director ng PRO BAR, ang naarestong suspek na isang High Value Individual na si Bomul Salunting alyas “Mulmul” habang nagawa namang makaiwas sa pagkakaaresto ang kasama nitong si alyas “Sangki”.
Ang naarestong suspek at mga nakumpiskang ebidensya ay kasalukuyang nasa kustodiya ng PDEA BARMM para sa tamang disposisyon at pagsasampa ng kaso.
Samantala, pinuri PBGen Guyguyon, ang mga operatiba dahil sa kanilang walang humpay na pagsisikap.
Dagdag pa, magpapatuloy ang PRO BAR sa pakikipag-ugnayan at pakikipagtulungan sa iba pang ahensyang nagpapatupad ng batas, mga yunit ng lokal na pamahalaan, at iba pang mga stakeholder upang masugpo ang paglaganap ng kalakalan ng ilegal na droga sa rehiyon.
Panulat ni Patrolman Charlie Nasroden Corpuz
