Kalaboso ang tatlong High Value Individual drug personality matapos makuhanan ng Php3.4 milyong halaga ng shabu sa isinagawang anti-illegal drug operation sa Brgy. Zamora-Mellisa, City Proper, nito lamang Lunes, alas-4:13 ng hapon ng Enero 22, 2024.
Sa pinagsamang pwersa ng mga operatiba ng Iloilo City Police Office-Drug Enforcement Unit, kasama ang RPDEU, ICPS1 at 4, ICMFC, ICPO-SWAT, at RMU6 ay naaresto ang tatlong drug personality na kinilalang sina alyas “Rexston”, alyas “Ricsie”, at si alyas “Joel”.
Ayon kay PLtCol Antonio Benitez Jr., Hepe ng City Drug Enforcement Unit-ICPO, nakumpiska sa mga suspek ang 21 plastic sachets ng pinaghihinalaang shabu na may timbang na 500 gramo at may Standard Drug Price na Php3,400,000.
Ang mga naarestong suspek ay nasa kustodiya ng Iloilo City Police Station 1 at nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
Samantala, muling pinuri ni PBGen Sidney N Villaflor, RD PRO6, ang mga operating units para sa kanilang kahanga-hangang tagumpay upang mapigilan ang pagkalat ng ilegal na droga sa Iloilo City.
“This operation underscores the unwavering dedication exhibited by our police personnel. In this shared pursuit, we urged the public’s cooperation and vigilance in reporting to the authorities any suspicious activities to contribute to the collective safety of our community,” ani PBGen Villflor.
Patrolwoman Ryza Valencia
