Goa, Camarines Sur – Tinatayang Php3,468,000 halaga ng ilegal na droga ang nakumpiska sa dalawang suspek sa paghahain ng Search Warrant ng PDEA Regional Office 5 at Camarines Sur PNP nito lamang Hulyo 1, 2022.
Kinilala ni Police Colonel Bernardo Perez, Provincial Director ng Camarines Sur Police Provincial Office ang mga suspek na sina Naneth Obias y Formalejo, 33, kabilang sa Provincial Recalibrated Priority Database on Illegal Drugs ng Camarines Sur at si Anthony Ariola y Ranin, 23, residente ng Zone 3, Barangay Matacla, Goa, Camarines Sur.
Ayon kay PCol Perez, isinagawa ang search warrant bandang 6:15 ng umaga sa Zone 3, Barangay Matacla, Goa, Camarines Sur ng pinagsanib pwersa ng mga operatiba ng PDEA Camarines Sur, PIU – Camarines Sur, Camarines Sur 2nd PMFC at Goa Municipal Police Station.
Ayon pa kay PCol Perez, nakuha mula sa mga suspek ang dalawang transparent plastic na naglalaman ng pinaghihinalaang shabu na may tinatayang timbang na 510 grams na nagkakahalaga ng Php3,468,000.
Ang mga suspek ay nahaharap sa kasong paglabag sa RA 9165 o ang Comprehensive Dangerous Drugs Act of 2002.
“We guarantee the public that we shall not stop our efforts until we are able to reach our goal to provide the people a better community. Katuwang ang aming partner agencies patuloy ang aming operasyon maging ang pagbibigay kaalaman sa ating mga kababayan sa negatibong epekto ng ilegal na droga upang sila mismo ang kusang magsikwal nito”, saad ni PBGen Mario A Reyes, Regional Director ng PRO5.
Source: Goa Municipal Police Station, Camarines Sur PPO
###
Panulat ni Patrolman Rodel Grecia
