Himas rehas ang dalawang lalaki matapos masakote sa isinagawang joint buy-bust operation ng mga awtoridad sa Catalina Inn, Jr Borja Street, Cagayan de Oro City nito lamang ika-1 ng Agosto 2024.
Kinilala ng Regional Police Drug Enforcement Unit 10 (RPDEU 10) ang mga suspek na sina alyas “Jun”, lalaki, 34 anyos, walang asawa at residente ng Campo Sioco, Baguio City at alyas “Hadji”, 29 anyos , lalaki at residente ng Amaya II, Tanza, Cavite.
Nakita sa rekord na si “Jun” ay dati ng naaresto sa kasong paglabag sa Republic Act 9165 o Comprehensive Dangerous Drugs Act of 2002, noong 2013 sa Muntinlupa Jail at nakalaya noong 2022 habang si “Hadji” naman ay isang first time offender.
Nakumpiska sa mga suspek ang 300 gramo ng shabu na nagkakahalaga ng Php2,040,000 at 200 gramo ng Cocaine na nagkakahalaga ng Php1,060,000.
Nagpapatunay lamang na hindi titigil ang PNP sa paghuli sa mga nagkasala sa batas lalong-lalo na ang walang humpay na laban kontra ilegal na droga para sa isang payapa at ligtas na komunidad.
Panulat ni Patrolwoman Reena Celestine Sendrijas
