Tinatayang Php2,088,000 halaga ng marijuana ang nadiskubre at sinunog ng Kalinga PNP sa Barangay Buscalan, Tinglayan, Kalinga nito lamang Marso 14, 2024.
Ayon kay Police Colonel Freddie M Lazona, Acting Provincial Director ng Kalinga Police Provincial Office, nagsagawa ng marijuana eradication ang pinagsanib na pwersa ng mga operatiba sa pangunguna ng Lubuagan Municipal Police Station katuwang ang mga tauhan ng Tinglayan MPS, 2nd Kalinga Provincial Mobile Force Company, Provincial Intelligence Unit/ Provincial Drug Enforcement Unit ng Kalinga PPO, at Philippine Drug Enforcement Agency-Cordillera.
Nagresulta ang operasyon sa pagkakadiskubre ng isang plantasyon ng marijuana na may lawak na 870 square meter at may tanim na humigit kumulang 10,440 piraso ng Fully Grown Marijuana Plants na tinatayang may Standard Drug Price na Php2,088,000.
Ang mga nasabing marijuana ay binunot at sinunog ng mga operatiba sa mismong lugar ng taniman at kumuha ng sapat na sample upang isumite sa Regional Forensic Unit Cordillera para sa Qualitative Test.
Ang Pambansang Pulisya katuwang ang iba pang mga ahensya ng gobyerno ay hindi titigil sa pagpapaigting ng kampanya laban sa ilegal na droga upang makamit ang inaasam na mapayapa, maayos at drug-free na Bagong Pilipinas.
Panulat ni PCpl Juderick Tasing
