Tinatayang Php2,000,000 halaga ng Fully Grown Marijuana Plants ang nadiskubre ng mga operatiba sa Sitio Ballay, Tulgao West, Tinglayan, Kalinga nito lamang ika-24 ng Enero 2025.
Ayon kay Police Colonel James D Mangili, Acting Provincial Director ng Kalinga Police Provincial Office, naging matagumpay ang operasyon sa pagsisikap ng pinagsanib na pwersa ng mga operatiba sa pangunguna ng Pasil Municipal Police Station katuwang ang Regional Drug Enforcement Unit, 111 SAC 11 SAB PNP- SAF, 1503rd RMFB 15, at Philippine Drug Enforcement Agency – Kalinga.
Ang operasyon ay nagresulta sa pagkadiskubre ng isang plantasyon ng marijuana na may lawak na 500 square meters at may nakatanim na 10,000 piraso ng Fully Grown Marijuana Plants na may Standard Drug Price na Php2,000,000.
Bagamat walang nahuling cultivator, lahat ng nadiskubreng marijuana ay naidokumento at sinunog sa mismong lugar.
Pinuri naman ni PCol Mangili ang mga operatiba sa kanilang matagumpay na operasyon at patuloy ang pagsuporta sa isinusulong ng Pangulong Ferdinand R Marcos Jr., na Whole-of-Nation Approach na kinakailangan para maging illegal drug free ang ating bansa.
