Bulacan – Tinatayang Php288,000 halaga ng marijuana ang nakumpiska sa ikinasang Anti-Illegal Drug Operation ng Guiguinto PNP at tatlo ang arestado sa Purok 1, Brgy. Tabang, Guiguinto, Bulacan nito lamang Miyerkules, ika-04 ng Oktubre 2023.
Kinilala ni Police Lieutenant Colonel Jowilouie Bilaro, Acting Chief of Police ng Guiguinto Municipal Police Station, ang drug personality na si alyas “Dexter”, “Jay”, at “Archie”.
Ayon sa ulat ng Guiguinto PNP, nagulantang ang mga suspek bandang 4:00 ng madaling araw sa kanilang operasyon na nagresulta ng pagkakasabat ng marijuana na nagkakahalaga ng Php288,000 na may timbang na higit kumulang 2400 gramo.
Nahaharap sa kasong paglabag sa RA 9165 o Comprehensive Dangerous Drugs Act of 2002 ang mga suspek
Paalala ng Guiguinto PNP sa mga pilit na gumagamit at nagbebenta ng ilegal na droga na patuloy ang kanilang kampanya upang masiwata ang nagbebenta at nasa likod nito.
Source: Guguinto Municipal Police Station
Panulat ni PCpl Jeselle V Rivera
