Arestado ang dalawang High Value Individual sa buy-bust operation ng mga awtoridad bandang 8:40 ng gabi sa Barangay Sampaloc IV, Dasmariñas City, Cavite nito lamang Agosto 10, 2024.
Kinilala ang mga nahuling drug suspek na sina na sina alyas “Melvin” at “Alexandra”, kapwa 29 taong gulang.
Naisakatuparan ang matagumpay na pagkakasakote sa dalawang suspek sa operasyon ng pinagsanib na pwersa ng mga operatiba ng Cavite PNP at PDEA Region 4A.
Nakumpiska ng mga awtoridad ang 40 gramo ng high grade marijuana o “kush” na nagkakahalaga ng Php60,000 at 65 piraso ng assorted flavored disposable vape pens na naglalaman ng marijuana oil na nagkakahalaga naman ng Php227,500.
Nagsasagawa na ng karagdagang imbestigasyon ang pulisya upang malaman ang pinagmulan ng ipinagbabawal na ilegal na droga at kagamitan.
Ang mga suspek naman ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Hindi tumitigil ang Pambansang Pulisya ng Pilipinas sa pagsugpo ng ilegal na droga sa ating lipunan upang masiguro ang kaligtasan, kaayusan at kapakanan ng bawat isa na walang takot at pangamba sa araw-araw nilang pamumuhay.
Source: Inquirer.net
