Nasabat ang tinatayang Php272,000 halaga ng hinihinalang shabu mula sa Top 4 Regional High Value Drug Personality sa Purok Doña Rosa, Mati City, Davao Oriental nito lamang Nobyembre 5, 2024.
Kinilala ni Police Major Al Anthony I Gumban, Acting Chief of Police ng Mati City Police Station, ang suspek na si alyas “Anthony”, 39 anyos, isang manggagawa at residente ng Purok Bilawan, Barangay Central, Mati City.
Ang suspek ay naaresto sa pinagsanib na puwersa ng Mati City Police Station, CDEU, PDEU, DOPPO PIU, PIT-DOR at sa koordinasyon sa PDEA XI DOPO.
Narekober naman mula sa suspek ang humigit kumulang 40 gramo ng hinihinalang shabu at mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Samantala, labis ang pasasalamat ng PNP sa tulong ng komunidad sa pinahusay na laban kontra kriminalidad at ilegal na droga. Ang sama-samang pagsisikap ng PNP at publiko ang nagiging susi sa mas maunlad at mapayapang Bagong Pilipinas.
Panulat ni Patrolwoman Shairra Rose A Aquino
