Masbate – Tinatayang nasa Php272,000 na halaga ng ilegal na droga ang nakumpiska sa isang suspek sa ikinasang buy-bust operation ng pinagsamang mga operatiba ng PNP Bikol sa Rizal St., Barangay Poblacion 1, Claveria, Masbate nito lamang Mayo 11, 2023.
Kinilala ni Police Brigadier General Westrimundo Obinque, Regional Director ng PRO5, ang suspek na si Abundio N. Sambuena, residente ng nasabing lugar at kabilang sa listahan ng Street Level Individual on Illegal Drugs.
Ayon kay PBGen Obinque, bandang 10:50 ng umaga ng isinagawa ang operasyon ng pinagsanib na mga operatiba ng Claveria MPS, PPDEU-PIU Masbate PPO, ODRDO-RPDEU5 at 502nd MC RMFB5 sa pakikipag-ugnayan sa PDEA Masbate Provincial Office.
Nakabili sa suspek ang poseur buyer ng isang plastic sachet ng pinaniniwalaang shabu at sa isinagawang body search, narekober pa ang limang (5) piraso ng plastic sachets ng hinihinalang shabu na tinatayang tumitimbang ng 40 na gramo at nagkakahalaga ng Php272,000.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang PNP Bikol ay patuloy sa kampanya laban sa ilegal na droga para maisakatupan ang demand at supply reduction ng droga upang mapanatili ang maayos at ligtas na komunidad.
Source: PNPKL Kasurog Bicol
