Tiaong, Quezon – Nasabat ang tinatayang Php268,320 na halaga ng shabu sa isang Street Level Individual sa buy-bust operation ng Tiaong PNP nito lamang Sabado, Agosto 6, 2022.
Kinilala ni Police Colonel Joel Villanueva, Provincial Director ng Quezon Police Provincial Office, ang suspek na si Melchor De Ocampo Gutierrez, alyas “Puti”, 42 residente ng Purok 1, Brgy. San Agustin, Tiaong, Quezon.
Ayon kay PCol Villanueva, bandang 8:23 ng gabi naaresto ang suspek sa Purok 1, Brgy. San Agustin, Tiaong, Quezon ng mga operatiba ng Drug Enforcement Team ng Tiaong Municipal Police Station.
Narekober mula sa suspek ang limang pirasong transparent plastic sachets na naglalaman ng hinihinalang shabu na may timbang na 11 gramo na tinatayang nagkakahalaga ng Php268,320, isang fan knife (Balisong) at isang pirasong Php500 bill na ginamit bilang boodle money.
Nahaharap ang suspek sa mga kasong paglabag sa Section 5 at 11, Article II Republic Act 9165 o Comprehensive Dangerous Drugs Act of 2002 at Batas Pambansa Blg. 6 o Illegal Possession of Bladed, Pointed or Blunt Weapons.
“Ang Quezon Pulis ay tahasang magpapatupad ng batas na pantay at walang kinikilingang publiko-serbisyo sa bawat mamamayan laban sa banta ng pinagbabawal na gamot sa kaligtasan, kaayusan, at kapayapaan ng ating probinsya,” ani PCol Villanueva.
Source: Quezon Police Provincial Office-PIO
###
Panulat ni Police Executive Master Sergeant Joe Peter Cabugon
