Nakumpiska ang tinatayang Php251,600 sa naarestong Street Level Individual sa isinagawang drug buy-bust operation ng Iloilo City Police Station 1-Station Drug Enforcement Team sa Barangay General Hughes, City Proper, bandang alas 9:45 ng gabi, nito lamang ika-18 ng Nobyembre 2024.
Kinilala ni Police Captain Roque C Gimeno III, Officer-In-Charge ng Iloilo City Police Station 1, ang suspek na si alyas “Alog,” 42 taong gulang, isang tricycle driver, at residente ng Barangay Sto. Rosario, Iloilo City Proper.
Nabili mula sa suspek ang isang sachet ng hinihinalang shabu na nagkakahalaga ng Php2,500.00 at nakumpiska rin ang karagdagang walong sachets ng hinihinalang shabu, na may Standard Drug Price na tinatayang nagkakahalaga ng Php251,600.
Nahaharap ang suspek sa kasong paglabag sa Republic Act 9165 o ang “Comprehensive Dangerous Drugs Act of 2002”.
Ang operasyon ay bahagi ng pinaigting na kampanya ng PNP laban sa ilegal na droga, at patuloy na nananawagan ang ating kapulisan sa publiko na makipagtulungan sa pagsugpo ng ilegal na droga sa pamamagitan ng pagbibigay ng impormasyon ukol sa mga kahina-hinalang aktibidad sa kanilang mga komunidad, tungo sa mas ligtas na Bagong Pilipinas.
Source: Ilonggo News Live
Panulat ni Pat Ledilyn Bansagon
