Binunot at sinunog ng mga awtoridad ang tinatayang Php250,000 na halaga ng marijuana sa ikinasang operasyon ng mga awtoridad sa Sitio Degway, Poblacion, Kibungan, Benguet nito lamang Hulyo 7, 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pagsisikap ng mga tauhan ng Kibungan Municipal Police Station, at Philippine Drug Enforcement Agency na nagresulta sa pagkakadiskubre ng higit kumulang 1,250 na piraso ng Fully Grown Marijuana Plants sa land area na may sukat na 250 square meters at may kabuuang halaga na Php250,000.
Samantala, wala namang nahuling marijuana cultivator at kaagad binunot at sinunog ng mga operatiba ang mga nadiskubreng ipinagbabawal na halaman.
Patuloy ang Kibungan PNP katuwang ang iba pang ahensya ng gobyerno sa pagpuksa ng ipinagbabawal na halaman sa buong nasasakupan upang makamit ang isang mapayapang Bagong Pilipinas.
