Nadiskubre ng mga otoridad ang tinatayang Php250,000 halaga ng Fully Grown Marijuana Plants sa isinagawang marijuana eradication sa Sitio Ladew, Kayapa, Bakun, Benguet noong ika-28 ng Marso 2025.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon dahil sa pinagsanib na pwersa ng mga operatiba na pinangunahan ng mga tauhan ng Bakun Municipal Police Station katuwang ang mga tauhan ng Provincial Drug Enforcement Unit, Provincial Intelligence Unit, Regional Intelligence Division, Benguet Police Provincial Office, Regional Intelligence Unit 14, at Philippine Drug Enforcement Agency.
Ang operasyon ay nagresulta sa pagkadiskubre ng isang plantasyon ng marijuana na may lawak na humigit kumulang na 250 square meters at may nakatanim na mahigit kumulang 1,250 piraso ng Fully Grown Marijuana Plants na may Standard Drug Price na Php250,000.
Bagamat walang nahuling cultivator, lahat ng binunot na Fully Grown Marijuana Plants ay naidokumento at sinunog sa mismong lugar.
Ang matagumpay na operasyon ng Benguet PNP ay patunay na kaisa ang Pambansang Pulisya sa pagpapaigting ng kampanya kontra ilegal na droga bilang pagsuporta sa adhikain ng administrasyon para sa isang mas mapayapang Bagong Pilipinas.
Panulat ni Patrolwoman Melba Langbis
