San Mateo, Rizal – Tinatayang Php241,638 na halaga ng shabu ang nasabat sa isang suspek sa ikinasang buy-bust operation ng San Mateo Municipal Police Station Drug Enforcement Team sa kahabaan ng Kambal Road, Brgy. Guitnang Bayan 2, San Mateo, Rizal bandang 12:24 ng madaling araw nito lamang Biyernes, Enero 27, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si alyas “Ann”, 30 at residente ng naturang barangay.
Narekober mula sa suspek ang tatlong heat-sealed transparent plastic sachets ng hinihinalang shabu na tumitimbang ng 35.02 gramo na may tinatayang halaga na Php241,638, isang pirasong Php500 bill, isang pirasong Php100 bill (confiscated cash), isang pulang case, isang green cellular phone at isang pirasong Php500 peso bill na ginamit bilang buy-bust money.
Ang suspek ay nahaharap sa kasong paglabag sa kasong Republic Act 9165 o Comprehensive Dangerous Drugs Act of 2002.
Patuloy ang kampanya ng Rizal PNP laban sa ilegal na droga upang pigilan ang paglaganap nito at masiguro ang kaligtasan ng bawat mamamayan sa kanilang nasasakupan.
Panulat ni PEMS Joe Peter Cabugon/RPCADU4
