Davao Del Sur – Tinatayang Php240,000 halaga ng hinihinalang shabu ang nasabat sa isinagawang buy-bust operation ng tauhan ng PNP at PDEA na nagresulta ng pagkakaaresto ng apat na High Value Individual sa Sitio Cubingon, Brgy. Astorga, Sta Cruz, Davao Del Sur, noong Hulyo 20, 2022.
Kinilala ni PMaj Kristine Miraña, Chief of Police ng Sta. Cruz MPS, ang mga suspek na sina Jonathan Urbano alyas “Janjan”, 46, tinaguriang Top 6 HVI sa provincial level; Aileen Urbano, 38; Rolly LLego, 32, at isang menor de edad na si alyas “Jhon”, 17, na kapwa residente ng nasabing lugar at tinaguriang mga HVI.
Ayon kay PMaj Miraña, naaresto ang mga suspek sa isinagawang buy-bust operation ng pinagsamang tauhan ng Sta. Cruz MPS at sa pangunguna ng Provincial Drug Enforcement Unit kasama ang 1104th Regional Mobile Force Battalion 11 katuwang ang PDEA Davao Sur.
Dagdag pa ni PMaj Miraña, nakuha mula sa mga suspek ang ilang pakete ng hinihinalang shabu na may bigat na humigit kumulang 16 gramo na may street market value na Php240,000 at marked money na ginamit sa operasyon.
Ang mga suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Pinuri naman ni PBGen Benjamin Silo Jr., PRO11 Regional Director ang matagumpay na operasyon at pagkakaaresto ng mga HVI sa lungsod.
###
Panulat ni Patrolman Alfred Vergara
