Davao City – Tinatayang Php240,000 halaga ng hinihinalang shabu ang nasabat sa isang lalaki ng mga tauhan ng PNP sa isinagawang buy-bust operation sa Brgy. Lasang, Davao City, nito lamang Mayo 4, 2022.
Kinilala ni PMaj Reuben Libera, Chief, Special Operation Group/City Drug Enforcement Unit, ang suspek na si Jay Morales Escobidal, 39, residente ng Brgy. East, Prk. Maximina, Tagum City, Davao del Norte.
Ayon kay PMaj Libera, naaresto ang suspek sa pinagsamang tauhan ng SOG/CDEU katuwang ang CMFC; RIU11; CIU at sa pakikipag-ugnayan sa Bunawan Police Station 16 matapos mahuli sa akto na nagbebenta ng ilegal na droga.
Dagdag pa ni PMaj Libera, nakuha mula sa suspek ang humigit kumulang 15 gramo ng hinihinalang shabu na may tinatayang street market value na Php240,000 at marked money na ginamit sa operasyon.
Ang suspek ay nasa kustodiya na ng nasabing istasyon upang sampahan ng kasong paglabas sa Republic Act 9165 o Comprehensive Dangerous Drugs Act of 2002.
Samantala, pinuri naman ni PBGen Benjamin Silo Jr., PRO11 Regional Director ang nasabing mga yunit dahil sa matagumpay na operasyon.
###
Panulat ni Patrolman Alfred Vergara
