Arestado ang isang High Value Individual (HVI) na sangkot sa kalakalan ng iligal na droga at tatlo pang kasamahan sa isinagawang buy-bust operation ng mga operatiba ng Caloocan City Police Station sa kahabaan ng King Faisal, Phase 12, Barangay 188, Caloocan City nito lamang Huwebes, Nobyembre 28, 2024.
Ayon kay Police Brigadier General Anthony A Aberin, Acting Regional Director ng National Capital Region Police Office, nakumpiska ng mga awtoridad ang humigit-kumulang 3,420 gramo ng hinihinalang shabu, na may tinatayang presyo ng droga na nagkakahalaga ng Php23,256,000.
Inihahanda na ang mga reklamong kriminal para sa mga paglabag sa Sections 5, 11, at 26 ng Article II ng Republic Act 9165, o mas kilala bilang “Comprehensive Dangerous Drug Acts of 2002” laban sa mga suspek.
Pinuri naman ni PBGen Aberin, ang pagsisikap ng mga operatiba at idiniin na ang matagumpay na operasyong ito ay nagpapakita ng pangako ng NCRPO sa AAA Framework.
“Ito pa lamang ang una sa marami pang high-profile na anti-drug operations na patuloy nating ilulunsad sa Metro Manila bilang pagsunod sa ating walang kompromisong paninindigan laban sa kasamaan ng banta ng ilegal na droga. Magandang trabaho Caloocan CPS!”
Source: PIO NCRPO
